Priyè mou-n peyi d’Ayiti

Segnè, Bondié, nou tande sa ou di nou. Nou deside jodi-a pou nou fè tout sa ou ban nou lòd fè;

Nou renonse sakrifis ak sèvis pou tout lòt dié

Nou renonse e denonse: Metié divinò, – Etidié zetoual pou fè prediksyon – Pran pouin – Fè maji – Sèvi ak cham –

Ale nan tab tounant – Vizite moun ki konn bat kat – Rele mò pou pale ak yo, Paske ou pa vle ouè moun kap fè bagay konsa.

Oui, Segnè, nou deside koute-ou, é daprè promès ou fè, nap mande-ou anpil benediksion:
Segnè, beni nou toupatou,

Beni desandan nou – Beni jadin nou – Beni bèf nou, kabrit nou, pòte mouton nou, ak tout lòt bèt nou yo –
Beni tout sa nap fè, depi nou komanse jouk nou fini.

Segnè, ban nou viktoua sou tout lènmi nou

Beni depo manjé nou – Beni nou nan pei kote nou ye konnie ya

Segnè, paske nou deside obei ou é viv pou ou, fè pei nou an gnou pei kap viv selman pou ou.

Segnè, fè tout pèp sou latè konnin ke pei nou an pote non ou. Fè yo respekte nou.

Senyè, ban nou anpil benediksyon, ban nou pitit, rekòt, bien ak lajan.

Segnè, kote ou rete nan sièl la, louvri trezò ou:

Voye la pli nan sezon-l

Ban nou dekoua pou nou prete lot moun – Pa kite nou bezouin prete nan min peson

Fè nou toujou devan e non deyè – Fe nou Toujou anro, e non anba

Segnè, ouete tout madichon ki sou nou ninpot kote nou yé.

Ouete madichon sou pitit nou, sou rekòt nou, sou bèt nou, e sou tout lot bagay nou yo.

Tanpri Senyè, ouete madichon nan tout sa nap fè, depi nou komanse jouk nou fini.

Nan non Jezu Kri pitit ou-a,
Amen!